May 29, 2022
May 29, 2022
ദോഹ : ഖത്തറിലെ വാണിജ്യ സ്ഥാപനങ്ങൾ പഴങ്ങൾ, പച്ചക്കറികൾ, മത്സ്യം എന്നിവയുടെ പ്രതിദിന വില പ്രദർശിപ്പിക്കേണ്ടത് സ്ഥാപന ഉടമകളുടെ ഉത്തരവാദിത്തമാണെന്ന് വാണിജ്യ വ്യവസായ മന്ത്രാലയം ഓർമിപ്പിച്ചു.സമൂഹ മാധ്യമ അക്കൗണ്ടിലൂടെയാണ് മന്ത്രാലയം ഇക്കാര്യം അറിയിച്ചത്.വിപണിയിലെ വില നിയന്ത്രിക്കാൻ ഉൽപന്നങ്ങളുടെ പ്രതിദിന വില ഉൾപ്പെടുത്തിയുള്ള ബുള്ളറ്റിൻ ഔദ്യോഗിക വെബ്സൈറ്റിൽ പ്രസിദ്ധീകരിക്കാറുണ്ടെന്നും മന്ത്രാലയം വ്യക്തമാക്കി.
മന്ത്രാലയം നൽകുന്ന വിലനിലവാര പരിധി വ്യാപാരികൾ പാലിക്കണം.എന്നാൽ,ഉപഭോക്താക്കളെ ആകർഷിക്കാൻ പരമാവധി വില കുറച്ചു നൽകാമെന്നും അധികൃതർ അറിയിച്ചു.വിലക്കയറ്റത്തെക്കുറിച്ചുള്ള പരാതികൾ അന്വേഷിക്കാൻ മന്ത്രാലയ ഉദ്യോഗസ്ഥർ മാർക്കറ്റുകളിൽ പതിവായി പരിശോധന നടത്താറുണ്ടെന്നും മന്ത്രാലയം വ്യക്തമാക്കി.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക