July 04, 2021
July 04, 2021
ദോഹ: ഖത്തറിലെ ചരിത്രപ്രസിദ്ധായ സൂഖ് വാഖിഫില്‍ ഇനി ഈത്തപ്പഴത്തിന്റെ നാളുകള്‍. രാജ്യത്തെ എണ്‍പതോളം തോട്ടങ്ങളില്‍ നിന്നുള്ള വൈവിധ്യമാര്‍ന്ന ഈത്തപ്പഴങ്ങള്‍ ഇവിടെ എത്തും. അടുത്ത ആഴ്ചയാണ് ഖത്തര്‍ മുനിസിപ്പല്‍ പരിസ്ഥിതി മന്ത്രാലയത്തിന്റെ ഈത്തപ്പഴ മേള നടക്കുന്നത്. മിതമായ വിലയില്‍ ഇവിടെ നിന്നും ഈത്തപ്പഴങ്ങള്‍ ലഭിക്കും. വൈകീട്ട് 4 മുതല്‍ രാത്രി പത്തു വരേയാണ് മേള ഉണ്ടാവുക. രണ്ടാഴ്ച നീണ്ടു നില്‍ക്കുന്നതാണ് പരിപാടി.
