July 19, 2020
July 19, 2020
ദോഹ : ഖത്തറിലെ സിദ്ര ആരോഗ്യ കേന്ദ്രത്തിൽ ആഗസ്റ്റ് ഒന്ന് മുതൽ ക്രെഡിറ്റ് കാർഡോ ഡെബിറ്റ് കാർഡോ മാത്രമേ സ്വീകരിക്കുകയുള്ളൂവെന്ന് അധികൃതർ അറിയിച്ചു. ഇതനുസരിച്ച് അടുത്ത മാസം മുതൽ സേവനങ്ങൾക്കുള്ള തുക പണമായി സ്വീകരിക്കില്ല. അധികൃതർ ട്വിറ്ററിലാണ് ഇക്കാര്യം അറിയിച്ചത്.ഇടപാടുകളിലെ സമയ നഷ്ടം ഒഴിവാക്കാനും കോവിഡിന്റെ പശ്ചാത്തലത്തിൽ നേരിട്ടുള്ള കറൻസി കൈമാറ്റം ഒഴിവാക്കി സുരക്ഷിതത്വം ഉറപ്പാക്കാനുമാണ് നടപടിയെന്ന് സിദ്ര ആരോഗ്യ കേന്ദ്രം ഔദ്യോഗിക വെബ്‌സൈറ്റിൽ നൽകിയ പ്രസ്താവനയിൽ വ്യക്തമാക്കി.
സിദ്ര മെഡിസിൻ കേന്ദ്രത്തിലെ ഫാർമസികൾ,ഫുഡ് ആൻഡ് ന്യുട്രീഷ്യൻ സേവനങ്ങൾ,കഫ്‌റ്റേരിയകൾ,കഫേകൾ എന്നിവയ്ക്കും നിയമം ബാധകമായിരിക്കും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
