March 21, 2022
March 21, 2022
ദോഹ : നവംബറിൽ ഖത്തർ ആതിഥ്യം വഹിക്കുന്ന 2022 ഫുട്ബോൾ ലോകകപ്പിന്റെ ടിക്കറ്റ് വില്പനയുടെ രണ്ടാം ഘട്ടത്തിന്റെ തിയ്യതി പ്രഖ്യാപിച്ചു. മാർച്ച് 23 മുതൽ ടിക്കറ്റിന് അപേക്ഷിക്കാമെന്ന് ഫിഫ അറിയിച്ചു. ഖത്തർ സമയം ഉച്ചയ്ക്ക് ഒരുമണിക്കാണ് വില്പന ആരംഭിക്കുക. മാർച്ച് 29 ന്, ഉച്ചയ്ക്ക് 12 മണിക്ക് വില്പന അവസാനിക്കും.
ആദ്യഘട്ടത്തിൽ നിന്നും വ്യത്യസ്തമായി, ഇത്തവണ ആദ്യം ബുക്ക് ചെയ്യുന്ന ആളുകൾക്കാണ് ടിക്കറ്റ് ലഭിക്കുക. ടിക്കറ്റിന്റെ പണം, ബുക്ക് ചെയ്യുന്ന സമയത്ത് തന്നെ അടയ്ക്കാനുള്ള സംവിധാനവും ഫിഫ ഏർപ്പെടുത്തിയിട്ടുണ്ട്. ടിക്കറ്റിന് വൻ ഡിമാന്റ് ഉള്ളതിനാൽ, താല്പര്യം ഉള്ളവർ എത്രയും പെട്ടെന്ന് ടിക്കറ്റിന് അപേക്ഷിക്കണമെന്ന് ഫിഫ അറിയിച്ചു.