June 27, 2021
June 27, 2021
ദോഹ: ഇന്ത്യന് സര്വകലാശാലയുടെ ഖത്തര് ബ്രാഞ്ചില് പ്രവേശനം തുടങ്ങി. പുണെ സാവിത്രി ഭായ് ഫുലെ യൂനിവേഴ്സിറ്റിയുടെ (എസ്.പി.യു) ഖത്തറിലെ കാമ്പസിലേക്കാണ് രജിസ്ട്രേഷന് ആരംഭിച്ചത്. ബര്വ അബൂഹമൂറിലാണ് പുതിയ കാമ്പസ്. ബാച്ച്ലര് ഓഫ് ബിസിനസ് അഡ്മിനിസ്ട്രേഷന്, ബാച്ച്ലര് ഓഫ് കോമേഴ്സ്, ബാച്ച്ലര് ഓഫ് ആര്ട്സ്, ബാച്ച്ലര് ഓഫ് സയന്സ് ബയോടെക്നോളജി എന്നീ ബിരുദകോഴ്സുകളാണ് ആദ്യഘട്ടത്തില് ഉണ്ടാവുക.
www.miesppu.edu.qa എന്ന വെബ്സൈറ്റില് വിശദവിവരങ്ങള് ലഭിക്കും. 1949ല് മഹാരാഷ്ട്രയില് സ്ഥാപിതമായ പുണെ സാവിത്രി ഭായ് ഫുലെ യൂനിവേഴ്സിറ്റി ഇന്ത്യയിലെ മികച്ച ഏഴാമത്തെ സര്വകലാശാലയാണ്.ഖത്തറിലെ കാമ്പസില് പ്രതിവര്ഷം 300 വിദ്യാര്ഥികള്ക്കാണ് പ്രവേശനം.