October 07, 2021
October 07, 2021
ദോഹ : ഗള്ഫ് കറന്സികളുടെ വിനിമയ നിരക്ക് ഉയര്ന്നു.ഇന്ത്യന് രൂപയുടെ മൂല്യം വീണ്ടും ഇടിഞ്ഞതോടെയാണിത്.യു എസ് ഡോളര് ശക്തി പ്രാപിക്കുന്നതും ക്രൂഡോയില് വില ഉയരുന്നതുമാണ് ഇന്ത്യന് രൂപയുടെ മൂല്യ ഇടിയാന് കാരണമെന്നാണ് ചൂണ്ടിക്കാണിക്കുന്നത്.
ഈ വര്ഷം ഏപ്രിലിന് ശേഷം ഏറ്റവും കുറഞ്ഞ മൂല്യത്തിലേക്കാണ് ഇന്ത്യന് രൂപ കഴിഞ്ഞ എത്തിയത്. ഒരു ഖത്തർ റിയാലിന് 20 രൂപ 30 പൈസക്ക് മുകളിലായിരുന്നു ഇന്നലത്തെ നിരക്ക്. യു എ ഇ ദിര്ഹത്തിന് 20 രൂപ 40 പൈസ എന്ന നിലയിലേക്ക് ഇന്ത്യന് രൂപയുടെ മൂല്യമെത്തി. ആനുപാതികമായി മുഴുവന് ഗള്ഫ് കറന്സികളുടെയും മൂല്യം കുത്തനെ ഉയര്ന്നിട്ടുണ്ട്. ഈ പ്രവണത തുടരാനാണ് സാധ്യതയെന്ന് മണി എക്സ്ചേഞ്ച് രംഗത്തുള്ളവര് ചൂണ്ടിക്കാട്ടി.
അതേസമയം,മാസത്തിന്റെ തുടക്കമായതിനാൽ മാസവേതനക്കാരായ പ്രവാസികൾക്ക് ഈ അവസരം പ്രയോജനപ്പെടും.നാട്ടിൽ ബാങ്ക് വായ്പകൾ ഉൾപ്പെടെയുള്ള ബാധ്യതകൾ തീർക്കാനുള്ളവർക്കാണ് ഇത് ഏറെ ആശ്വാസമാവുക.
ന്യൂസ്റൂം വാർത്തകൾ ലഭിക്കാൻ +974 66200167 എന്ന ഖത്തർ വാട്സ്ആപ് നമ്പറിൽ സന്ദേശം അയക്കുക