March 10, 2022
March 10, 2022
ദോഹ : പ്രതിദിന കോവിഡ് കണക്കുകൾ കുറഞ്ഞതോടെ പ്രാർത്ഥനാലയങ്ങളിൽ കൂടുതൽ ഇളവുകൾ പ്രഖ്യാപിച്ചതായി ഔകാഫ് മന്ത്രാലയം അറിയിച്ചു. ശനിയാഴ്ച മുതലാണ് ഇളവുകൾ പ്രാബല്യത്തിൽ വരിക. പള്ളികളിൽ പാലിക്കേണ്ടിയിരുന്ന സാമൂഹിക അകലം ഇനി ആവശ്യമില്ലെന്നും പള്ളികളിലെ ശുചിമുറികൾ തുറന്ന് പ്രവർത്തിക്കുമെന്നും മന്ത്രാലയം അറിയിച്ചു.
കുട്ടികൾക്കും ഇനി മുതൽ ആരാധനാലയങ്ങളിൽ പ്രവേശിക്കാം. ദിവസേനയുള്ള പതിവ് പ്രാർത്ഥനകൾക്ക് ഇഹ്തിറാസ് ആപ്ലിക്കേഷന്റെ ആവശ്യമില്ല. അതേസമയം, വെള്ളിയാഴ്ച ദിവസങ്ങളിൽ ജുമാ നമസ്കാരം നിർവഹിക്കാൻ എത്തുന്നവർ ഇഹ്തിറാസിലെ ഗ്രീൻ സ്റ്റാറ്റസ് ഹാജരാക്കണം. പള്ളിയിൽ എത്തുന്നവർ നിസ്കാരപ്പായകൾ കൊണ്ടുവരുന്ന വ്യവസ്ഥിതിയിലും മാറ്റമുണ്ട്. ഇനിമുതൽ പള്ളിയിലെ പായയിൽ തന്നെ നമസ്കാരം നിർവ്വഹിക്കാം. ശനിയാഴ്ച മുതൽ സ്ത്രീകൾക്ക് പ്രാർത്ഥിക്കാനുള്ള ഇടങ്ങളും തുറന്നുകൊടുക്കും.