July 12, 2021
July 12, 2021
ദോഹ : നാട്ടിൽ നിന്നും ഖത്തറിലേക്ക് തിരിച്ചുവരുന്നവർക്കുള്ള ഹോട്ടല് ക്വാറന്റീന് ഒഴിവാക്കിയ സാഹചര്യത്തിൽ ബുക്ക് ചെയ്തവര്ക്ക് തുക നഷ്ടമാവില്ല. മുഴുവന് തുകയും തിരിച്ചുനല്കുമെന്നറിയിച്ചുകൊണ്ട് ഡിസ്കവര് ഖത്തര് യാത്രക്കാര്ക്ക് മറുപടി നല്കി തുടങ്ങി. ബുക്ക് ചെയ്തതിന്റെ വിശദാംശങ്ങളും വാക്സിനേറ്റഡ് സര്ട്ടിഫിക്കറ്റും ഡിസ്കവര് ഖത്തറിന് ഇ-മെയില് ചെയ്താല് ഇതുസംബന്ധിച്ച അറിയിപ്പ് ലഭിച്ചുതുടങ്ങും.
60 ദിവസത്തിനുള്ളില് മുഴുവന് തുകയും തിരിച്ചുലഭിക്കുമെന്ന് മറുപടി സന്ദേശങ്ങളില് അറിയിക്കുന്നു. മന്ത്രാലയത്തിന്റെ ഉത്തരവ് പ്രകാരം ഹോട്ടല് ക്വാറന്റീന് ഒഴിവാക്കപ്പെടുന്ന യാത്രക്കാര് ബുക് ചെയ്ത തുക സംബന്ധിച്ച് കഴിഞ്ഞ ദിവസങ്ങളില് ആശങ്ക അറിയിച്ചിരുന്നു. 10 ദിവസത്തെ ക്വാറന്റീന് തുക മുന്കൂറായി അടച്ച് ഹോട്ടല്/ മുഖയ്നിസ് ബുക്ക് ചെയ്യുകയാണ് പതിവ്.
വാർത്തകൾ മുടങ്ങാതെ ലഭിക്കാൻ +974 66200167 എന്ന വാട്സ്ആപ് സന്ദേശമയക്കുക