June 15, 2021
June 15, 2021
ദോഹ: രണ്ടു കോവിഡ് വാക്‌സിനുകള്‍ സ്വീകരിക്കുന്നതിനിടയിലെ കാലദൈര്‍ഘ്യം കുറക്കുന്നത് വാക്‌സിന്റെ ഫലപ്രാപ്തിയെ കുറക്കാമെന്ന് ഖത്തർ പൊതുജനാരോഗ്യ വിഭാഗത്തിലെ വാക്സിന് വകുപ്പ മേധാവി. ഡോ.സോഹ അല്‍ ബയാത്ത് പറഞ്ഞു.. നിലവിലെ പഠനങ്ങളനുസരിച്ച് രണ്ടു വാക്‌സിനുകള്‍ക്കിടയിലെ ഇടവേള രണ്ടോ മൂന്നോ ആഴ്ചകള്‍ കൂടിയാല്‍ വാക്‌സിന്റെ ഫലപ്രാപ്തിയെ അത് ബാധിക്കില്ലെന്നാണ് വിലയിരുത്തൽ. എന്നാല്‍ ഇടവേള കുറയ്ക്കുന്നത് വാക്‌സിന്റെ കാര്യക്ഷത കുറക്കുമെന്നാണ് കരുതുന്നത്. എല്ലാവര്‍ക്കും രണ്ടു ഡോസും വേഗത്തില്‍ എടുക്കണമെന്നാണ് ആഗ്രഹം. എന്നാല്‍ കാലാവധിയാകുന്നത് വരെ കാത്തു നിന്ന ശേഷം വാക്സിന് എടുക്കുന്നതാണ് ഉത്തമമമെന്നും അവര്‍ ഓര്‍മിപ്പിച്ചു. ക്ഷമയോടെ കാത്തിരിക്കാനാണ് താന്‍ ജനങ്ങളെ ഉപദേശിക്കുന്നതെന്നും ഡോ. സോഹ പറഞ്ഞു.ക്ലിനിക്കല്‍ ഗവേഷങ്ങളുടെ അടിസ്ഥാനത്തില്‍ ഫൈസറിന്റെ ബയോണ്‍ടെക്കിന് 21 ദിവസവും മൊഡേണ വാക്സിന് 28 ദിവസവും ഇരു ഡോസുകള്‍ക്കിടയില്‍ ഇടവേളവേണമെന്നാണ് കണക്കാക്കിയിട്ടുള്ളത്.
