April 11, 2022
April 11, 2022
ദോഹ : രാജ്യത്തെ ഏറ്റവും വിസ്തീർണമേറിയ പാർക്കുകളിൽ ഒന്നായ റൗദത്ത് അൽ ഖൈൽ പാർക്ക് സന്ദർശകർക്കായി തുറന്നുകൊടുത്തു. നഗരകാര്യ വകുപ്പ് മന്ത്രി അബ്ദുല്ല ബിൻ അബ്ദുൾ അസീസ് ബിൻ തുർക്കി അൽ സുബൈ ആണ് പാർക്കിന്റെ ഉദ്ഘാടനം നിർവഹിച്ചത്. അമേരിക്കയിലെ വിൽമിങ്ടൺ നഗരത്തിലെ മേയറും അമേരിക്കൻ നയതന്ത്രസംഘത്തിന്റെ പ്രതിനിധികളും ചടങ്ങിൽ പങ്കെടുത്തു.
1,40000 സ്ക്വയർ മീറ്ററാണ് പാർക്കിന്റെ വിസ്തീർണം. നടപ്പാതകളും, പ്രഭാതസവാരിക്കായുള്ള ജോഗിങ് ട്രാക്കുകളും, സൈക്ലിങ്ങിനുള്ള സൗകര്യവും ഒരുക്കിയിട്ടുണ്ട്. ഒരുലക്ഷത്തോളം ചതുരശ്രമീറ്ററിലായി വ്യാപിച്ചുകിടക്കുന്ന, മരങ്ങളും ചെടികളും അടങ്ങിയ പുൽത്തകിടി യാണ് പാർക്കിന്റെ പ്രധാനസവിശേഷത. ഭക്ഷണപ്രേമികൾക്കായി ഏഴ് ചെറുഭക്ഷണശാലകളും പാർക്കിലുണ്ട്. 2-5 വയസ്സുവരെയുള്ള കുട്ടികൾക്കും, 6-12 വയസ്സുവരെയുള്ള കുട്ടികൾക്കും പ്രത്യേകം കളിസ്ഥലങ്ങളും പാർക്കിലുണ്ട്.