April 08, 2022
April 08, 2022
ദോഹ : റമദാൻ പ്രമാണിച്ചുള്ള പ്രത്യേക പുസ്തകമേളയ്ക്ക് സൂഖ് വാഖിഫിൽ ഇന്ന് തുടക്കം. ഖത്തറടക്കം പത്ത് രാജ്യങ്ങളിൽ നിന്നുള്ള, 35 പ്രസാധകരുടെ പുസ്തകങ്ങളാണ് മേളയിൽ വില്പനയ്ക്കെത്തുക. ഖത്തറിൽ നിന്നുള്ള 13 പബ്ലിഷിങ് കമ്പനികളാണ് മേളയുടെ ഭാഗമാവുന്നത്.
ഇന്ത്യ, സൗദി അറേബ്യ, കുവൈത്ത്, ലെബനൻ, സിറിയ, ജോർദാൻ, ഓസ്ട്രേലിയ, ഈജിപ്ത്, തുർക്കി എന്നീ രാജ്യങ്ങളിൽ നിന്നുള്ള പ്രസാധകരും മേളയിൽ പുസ്തകങ്ങളുമായി എത്തും. സാംസ്കാരികമന്ത്രാലയവും വിവിധസംഘടനകളും സംയുക്തമായാണ് മേള നടത്തുന്നത്. ജനുവരിയിൽ നടന്ന ദോഹ അന്താരാഷ്ട്ര പുസ്തക മേളയുടെ മറ്റൊരു പതിപ്പാണ് റമദാൻ പുസ്തകമേളയെന്ന് സംഘാടകർ അറിയിച്ചു. ഏപ്രിൽ 16 വരെ നീണ്ടുനിൽക്കുന്ന മേള, ഇന്ന് രാത്രി 8:30 ന് ആരംഭിക്കും.