April 09, 2022
April 09, 2022
ദോഹ : ഖത്തറിലെ മെട്രോ ലിങ്ക് ബസ് സർവീസ് ഉപയോഗിക്കുന്നവർ ക്യു.ആർ.ടിക്കറ്റ് ഡൗൺലോഡ് ചെയ്യണമെന്ന് മൊവസലാത്ത് അറിയിച്ചു. ഏപ്രിൽ 11 മുതലാണ് പുതിയ സംവിധാനം നിലവിൽ വരിക. യാത്രക്കാർക്ക് "കർവ" ബസ് ആപ്പിലൂടെ സൗജന്യമായി ടിക്കറ്റുകൾ ഡൗൺലോഡ് ചെയ്യാം.
ഇതിനായി, ആദ്യം കർവ ആപ്പ് ഡൗൺലോഡ് ചെയ്ത്, ലോഗ് ഇൻ ചെയ്യണം. ശേഷം, ബസ്സിൽ കയറുന്നതിന് മുൻപായി 'ഇ-ടിക്കറ്റ് ഡൗൺലോഡ് ചെയ്യാനുള്ള' ഓപ്ഷൻ തിരഞ്ഞെടുക്കണം. ഇതുവഴി 'മെട്രോ ലിങ്ക് ക്യു.ആർ ടിക്കറ്റ്' എന്ന ലിങ്കിലെത്തും. ഇതിൽ ക്ലിക്ക് ചെയ്താൽ ഗോൾഡൻ ക്യു.ആർ കോഡ് സഹിതം ടിക്കറ്റ് ദൃശ്യമാകും. ബസ്സിലെ റീഡറിൽ ഈ ടിക്കറ്റ് സ്കാൻ ചെയ്താൽ ബസ്സിലേക്ക് പ്രവേശിക്കാനും പുറത്തിറങ്ങാനും കഴിയും.