May 30, 2022
May 30, 2022
ദോഹ: യുവകലാസാഹിതി ഖത്തറിന്റെ ആഭിമുഖ്യത്തില്‍ വായനയെ പ്രോത്സാഹിപ്പിക്കുന്നതിനായി 'സാഹിതി വായനാകൂട്ടം' നിലവില്‍ വന്നു. ഖത്തറിൽ താമസിക്കുന്ന മലയാളപുസ്തക സ്നേഹികളെ കൂട്ടി യോജിപ്പിച്ചു കൊണ്ട്, അവർക്കിടയിൽ വായനയെ പ്രോത്സാഹിപ്പിക്കുന്ന തരത്തിലുള്ള ഇടപെടൽ നടത്താൻ ലക്ഷ്യമാക്കിയാണ് കൂട്ടായ്മക്ക് രൂപം നൽകിയതെന്ന് സംഘാടകർ അറിയിച്ചു.
മലയാളത്തിലെ നല്ല പുസ്തകങ്ങള്‍ ശേഖരിച്ച് വായനക്കാർക്കായി എത്തിക്കുക, മലയാള പുസ്തകങ്ങളെ കുറിച്ചുള്ള ചർച്ചകൾ, ആനുകാലിക സാംസ്കാരിക ഇടപെടൽ തുടങ്ങിയ സാഹിതി വായനാ കൂട്ടത്തിന്റെ പ്രവര്‍ത്തനങ്ങളെ കുറിച്ച് മെയ് 27 ന് നടന്ന യുവകലാസാഹിതി ജനറൽ ബോഡി യോഗത്തിൽ കൺവീനർ സിറാജ് വിശദീകരിച്ചു. പുസ്തക ശേഖരത്തിലേക്ക് ഗീതാ നസീര്‍ എഴുതിയ 'ബാലറാം എന്ന മനുഷ്യന്‍',ഷാനവാസ് തവയിൽ ഏറ്റുവാങ്ങി. സാഹിതി വായനാ കൂട്ടത്തിന്റെ രക്ഷാധികാരികളായി ഷാനവാസ് തവയിൽ,രാഗേഷ് കുമാര്‍, അജിത് പിള്ള എന്നിവരെയും കൺവീനറായി എം. സിറാജിനേയും ജോയിന്റ് കൺവീനർമാരായി ജീമോന്‍ ജേക്കബ്, ബിജോയ് വേണുഗോപാൽ എന്നിവരേയും ട്രെഷററായി സരിൻ കക്കത്തിനേയും തെരഞ്ഞെടുത്തു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
