October 30, 2021
October 30, 2021
ദോഹ: വാഹനമോടിക്കുന്നതിനിടെ മൊബൈൽ ഫോൺ ഉപയോഗിക്കുന്നവരെ കുരുക്കാൻ നൂതനസാങ്കേതികവിദ്യയുമായി ദോഹ ട്രാഫിക്. റോഡുകൾക്ക് സമീപത്തായി സ്ഥാപിച്ച സീസീടീവി ക്യാമറകൾ വഴി ഇത്തരം നിയമലംഘനങ്ങൾ റെക്കോർഡ് ചെയ്യുമെന്ന് ട്രാഫിക് ജനറൽ ഡയറക്ടറേറ്റ് അറിയിച്ചു.
ഖത്തർ റേഡിയോയുടെ പരിപാടിക്കിടെയാണ് ട്രാഫിക് ജനറൽ ഡയറക്ടറായ ഡോക്ടർ മുഹമ്മദ് റാദി അൽ ഹജ്രി ഇക്കാര്യം അറിയിച്ചത്. കുട്ടികൾക്കൊപ്പം യാത്ര ചെയ്യവേ മൊബൈൽ ഫോൺ ഉപയോഗിച്ച ഒരു സ്ത്രീക്കെതിരെ നടപടി എടുത്തതായും ഹജ്രി കൂട്ടിച്ചേർത്തു. വരും ദിവസങ്ങളിൽ പരിശോധന കർശനമാക്കുമെന്നും, നടപടികൾ എടുക്കുമെന്നും അധികൃതർ വ്യക്തമാക്കി.