March 07, 2022
March 07, 2022
ദോഹ : കോവിഡ് മഹാമാരിയിൽ നിന്നും മുക്തരാവുന്ന രോഗികളുടെ എണ്ണത്തിൽ, മിഡിൽ ഈസ്റ്റ് മേഖലയിൽ ഖത്തർ മുന്നിലെന്ന് പഠനറിപ്പോർട്ട്. ഗൾഫ് സ്റ്റാറ്റിറ്റിക്സ് സെന്ററാണ് റിപ്പോർട്ട് തയ്യാറാക്കിയത്. ഖത്തറിലെ ആകെ രോഗികളിൽ 99.2 ശതമാനം പേരിലും അസുഖം ഭേദമായെന്ന് കണക്കുകൾ സാക്ഷ്യപ്പെടുത്തുന്നു.
ജി.സി.സി രാഷ്ട്രങ്ങളിൽ രണ്ടാമതുള്ള കുവൈത്തിൽ 98.6 ശതമാനമാണ് രോഗമുക്തി നിരക്ക്. 97.3 ശതമാനവുമായി സൗദി അറേബ്യ മൂന്നാമതും, 96.6 ശതമാനവുമായി യു.എ. ഇ നാലാമതുമാണ്. ഒമാൻ 96.5, ബഹ്റൈൻ 96 എന്നിങ്ങനെയാണ് ശേഷിക്കുന്ന രാജ്യങ്ങളിലെ കണക്ക്. ഗൾഫ് രാജ്യങ്ങളിൽ ആകെ 35 ലക്ഷത്തിലധികം കോവിഡ് കേസുകളാണ് ഇതുവരെ റിപ്പോർട്ട് ചെയ്യപ്പെട്ടത്. 34,13,126 പേർ രോഗമുക്തരായപ്പോൾ, 20,227 മരണങ്ങളാണ് റിപ്പോർട്ട് ചെയ്യപ്പെട്ടത്. പഴുതടച്ച പ്രതിരോധ നടപടികളും, ഉയർന്ന വാക്സിനേഷൻ നിരക്കും കാരണം, ഗൾഫ് രാജ്യങ്ങളിൽ കോവിഡ് വ്യാപനം ഗണ്യമായി കുറഞ്ഞിട്ടുണ്ട്.