January 27, 2022
January 27, 2022
ദോഹ : ലോകരാജ്യങ്ങളിലെ ഭക്ഷ്യ സുരക്ഷയെ കുറിച്ച് ബ്രിട്ടനിലെ സംഘം നടത്തിയ പഠനത്തിൽ, അറബ് മേഖലയിൽ നിന്നും ഖത്തർ ഒന്നാമതെത്തി. 2021 വർഷത്തിലെ കണക്കുകളാണ് പുറത്തുവന്നത്. 113 ലോകരാജ്യങ്ങളെ ഉൾപ്പെടുത്തി തയ്യാറാക്കിയ പട്ടികയിൽ ഖത്തറിന് 24 ആം സ്ഥാനമാണ് ഉള്ളത്.
2020 ലെ പട്ടികയിൽ 37ആം സ്ഥാനത്തായിരുന്ന ഖത്തർ, ഒരൊറ്റ വർഷം കൊണ്ട് 13 സ്ഥാനങ്ങളാണ് മെച്ചപ്പെടുത്തിയതെന്ന് ഭക്ഷ്യ സുരക്ഷാ വകുപ്പിന്റെ ഡയറക്ടർ ഡോക്ടർ മസൗദ് ജാറല്ലാഹ് അൽ മാരി അറിയിച്ചു. പ്രതികൂലമായ കാലാവസ്ഥയോടും സാഹചര്യത്തോടും പൊരുതിയാണ് രാജ്യം ഈ നേട്ടത്തിലെത്തിയതെന്നും ഡയറക്ടർ വിശദീകരിച്ചു. തദ്ദേശീയ ഫാമുകളിൽ നിന്നുള്ള ഉത്പന്നങ്ങൾ വിപണിയിലേക്ക് നേരിട്ട് എത്തിക്കാനായതും റാങ്കിങ്ങിലെ ഈ കുതിച്ചുചാട്ടത്തിന് കാരണമായി.