November 26, 2021
November 26, 2021
ദോഹ : മനുഷ്യക്കടത്തിനെതിരെ യുണൈറ്റഡ് നേഷൻസ് നടത്തുന്ന ഗ്ലോബൽ പ്ലാൻ ഓഫ് ആക്ഷന് പിന്തുണ അറിയിച്ച് ഖത്തർ. ഖത്തറിന്റെ 2030 നാഷണൽ വിഷൻ പദ്ധതിയിൽ ഏറ്റവും പ്രധാനപ്പെട്ടതാണ് മനുഷ്യാവകാശങ്ങളുടെ സംരക്ഷണമെന്നും, യുഎന്നിനോട് കൈകോർത്ത് പ്രവർത്തിക്കുമെന്നും ഖത്തർ തൊഴിൽ കാര്യമന്ത്രി അലി ബിൻ സമിഖ് അൽ മാരി പ്രഖ്യാപിച്ചു.
യുഎൻ ജനറൽ അസംബ്ലിയുടെ ഉന്നതതലയോഗത്തിലാണ് മന്ത്രി ഈ പരാമർശം നടത്തിയത്. മനുഷ്യക്കടത്ത് നടത്തുന്നവരെ കഠിനമായി ശിക്ഷിക്കാനും, ഇരകളാവുന്നവർക്ക് വേണ്ട പരിചരണം നൽകാനും ഖത്തർ സദാ സന്നദ്ധരാണെന്നും മന്ത്രി കൂട്ടിച്ചേർത്തു. ഇരകളാവുന്നവർക്ക് അഭയകേന്ദ്രങ്ങളും പുനരധിവാസത്തിനുള്ള കേന്ദ്രങ്ങളും തയ്യാറാക്കുമെന്നും തൊഴിൽ മന്ത്രി യുഎന്നിനെ അറിയിച്ചു. വിദേശതൊഴിലാളികളുടെ ജീവിതം സുഗമമാക്കാനായി എക്സിറ്റ് പെർമിറ്റ് നിയമം റദ്ദാക്കിയതും ജോലികൾ മാറാനുള്ള തടസങ്ങൾ നീക്കിയതും മന്ത്രി യോഗത്തിൽ എടുത്തുപറഞ്ഞു.
