November 03, 2021
November 03, 2021
ദോഹ : യാത്രാ വിമാനങ്ങളിലെ ഭീമനായ എയർബസ് 380 ന്റെ സർവീസ് വൈകാതെ പുനരാരംഭിക്കുമെന്ന് ഖത്തർ എയർവേയ്സ് അറിയിച്ചു. ഇതിന് മുന്നോടിയായി പഴയ ദോഹ വിമാനത്താവളത്തിൽ നിന്നും ഹമദ് വിമാനത്താവളത്തിലേക്ക് എയർബസ് പരീക്ഷണപ്പറക്കൽ നടത്തി. ലണ്ടനിലേക്കും പാരിസിലേക്കും ഉളള സർവീസോടെ 2021 ഡിസംബർ 15 നാണ് എയർബസ് പറന്നുതുടങ്ങുക.
കോവിഡിന്റെ വ്യാപനം കുറഞ്ഞതോടെ യാത്രക്കാരുടെ എണ്ണത്തിൽ വർദ്ധനവ് രേഖപ്പെടുത്തിയതോടെയാണ് എയർബസ് തിരികെ കൊണ്ടുവരാൻ ഖത്തർ എയർവേയ്സ് തീരുമാനിച്ചത്. ഒരേസമയം 853 യാത്രക്കാരെ വഹിക്കാൻ ശേഷിയുള്ള എയർബസിന് മണിക്കൂറിൽ 1185 കിലോമീറ്റർ വരെ വേഗത കൈവരിക്കാൻ കഴിയും. സിംഗപ്പൂർ, ബ്രിട്ടൻ തുടങ്ങിയ രാജ്യങ്ങൾ നേരത്തെ എയർബസ് സർവീസുകൾ പുനരാരംഭിക്കുമെന്ന് നേരത്തെ വ്യക്തമാക്കിയിരുന്നു.