March 18, 2020
March 18, 2020
ദോഹ : കോവിഡ് മുൻകരുതലിന്റെ ഭാഗമായി ഖത്തറിൽ സർക്കാർ ജീവനക്കാർക്ക് നിയന്ത്രണം ഏർപ്പെടുത്തുന്നു.പ്രധാനമന്ത്രിയും ആഭ്യന്തര മന്ത്രിയുമായ ശെയ്ഖ് ഖാലിദ് ബിൻ ഖലീഫാ ബിൻ അബ്ദുൽ അസീസ് അൽതാനിയുടെ അധ്യക്ഷതയിൽ ഇന്ന് അമീരി ദിവാനിൽ ചേർന്ന മന്ത്രിസഭാ യോഗമാണ് ഇക്കാര്യം തീരുമാനിച്ചത്.
സർക്കാർ സ്ഥാപനങ്ങളിൽ അത്യാവശ്യ ജോലികൾ ചെയ്യാനുള്ള 20 ശതമാനം ജീവനക്കാർ മാത്രം ഓഫീസുകളിൽ എത്തിയാൽ മതിയെന്നാണ് നിർദേശം.അവശേഷിക്കുന്ന 80 ശതമാനം സർക്കാർ ജീവനക്കാരും വീടുകളിലിരുന്ന് ജോലി ചെയ്താൽ മതിയാവും.മാർച്ച് 22 ഞായറാഴ്ച മുതൽ രാണ്ടാഴ്ചത്തേക്കാണ് ഇത്തരമൊരു നിയന്ത്രണം ഏർപെടുത്തുന്നത്.ഇക്കാലയളവിൽ കാര്യങ്ങൾ മെച്ചപ്പെടുകയാണെങ്കിൽ തീരുമാനത്തിൽ ആവശ്യമായ ഭേദഗതികൾ വരുത്തും..അതേസമയം,ആരോഗ്യം,സൈന്യം,സുരക്ഷ എന്നീ മേഖലകളെ ഇതിൽ നിന്ന് ഒഴിവാക്കിയിട്ടുണ്ട്. രാജ്യത്തെ പ്രധാന പദ്ധതികളെ നിയന്ത്രണം ബാധിക്കുന്നില്ലെന്ന് ഉറപ്പുവരുത്തുകയും നിരന്തരം നിരീക്ഷിക്കുകയും വേണമെന്നും മന്ത്രിസഭ നിർദേശിച്ചു.
ന്യൂസ്റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന ഖത്തർ വാട്സാപ്പ് നമ്പറിലേക്ക് സന്ദേശം അയക്കുക.