February 01, 2022
February 01, 2022
ദോഹ : അമേരിക്കയ്ക്കും ഇറാനുമിടയിലെ നയതന്ത്ര വിഷയങ്ങളിൽ ഖത്തർ മധ്യസ്ഥത വഹിക്കുമെന്ന് വിദേശകാര്യയും ഉപ പ്രധാനമന്ത്രിയുമായ ഷെയ്ഖ് മുഹമ്മദ്‌ ബിൻ അബ്ദുൾ റഹ്മാൻ അൽ താനി പറഞ്ഞു. അൽ ജസീറ ടീവിയോട് സംസാരിക്കുകയായിരുന്നു അദ്ദേഹം. വാഷിംഗ്ടണും ടെഹ്‌റാനും തമ്മിൽ നടത്തുന്ന, ആണവകരാറുമായി ബന്ധപ്പെട്ട ചർച്ചകളിൽ ഖത്തറാണ് ഇടനിലക്കാരായി പ്രവർത്തിക്കുക.
അമേരിക്കൻ പ്രസിഡന്റ് ജോ ബൈഡനും, ഖത്തർ അമീറും തമ്മിൽ വാഷിങ്ങ്ടണിൽ കൂടിക്കാഴ്ച്ച നടത്തിയതിന് പിന്നാലെയാണ് വിദേശകാര്യമന്ത്രി ഈ പരാമർശം നടത്തിയത്. അമീറിന്റെ അമേരിക്കൻ സന്ദർശത്തിന് ദിവസങ്ങൾക്ക് മുൻപ് അൽ താനി ഇറാനിലെത്തി ചർച്ചകൾ നടത്തിയിരുന്നു. 2015 ലെ ആണവകരാരും, അന്താരാഷ്ട്ര തലത്തിലെ ഊർജപ്രതിസന്ധിയുമാണ് ഇരുരാജ്യങ്ങളും ചർച്ച ചെയ്തത്. ഖത്തറിനെ നാറ്റോ ഇതര സഖ്യകക്ഷി ആക്കാനുള്ള അമേരിക്കയുടെ തീരുമാനത്തെ സ്വാഗതം ചെയ്യുന്നതായും മന്ത്രി അറിയിച്ചു.
