September 03, 2020
September 03, 2020
ദോഹ : ഖത്തറിൽ നിന്നും ഇന്ത്യയിലേക്കും തിരിച്ചുമുള്ള മിക്ക വിമാന സർവീസുകളും മുടങ്ങുന്നു.യാത്രക്കാരില്ലാത്തതാണ് വിമാനസർവീസുകൾ മുടങ്ങാൻ കാരണമാവുന്നത്.വ്യാഴാഴ്ച ദോഹയിൽ നിന്നും തിരുവനന്തപുരത്തേക്കും ഡൽഹിയിലേക്കും മുംബയിലേക്കുമുള്ള ഇൻഡിഗോ വിമാനങ്ങൾ സർവീസുകൾ നടത്തി.അതേസമയം,ഡൽഹിയിലേക്കുള്ള രണ്ടാമത്തെ ഇൻഡിഗോ വിമാനം റദ്ദാക്കി.ഇന്ന് തിരുവനന്തപുരത്ത് നിന്നും മുംബയിൽ നിന്നും ഡൽഹിയിൽ നിന്നുമുള്ള വിമാനങ്ങൾ ദോഹയിൽ ഇറങ്ങി. എന്നാൽ ഖത്തർ എയർവേയ്‌സിന്റെ ദോഹയിലേക്കുള്ള വിമാനങ്ങളും ദോഹയിൽ നിന്ന് ഇന്ത്യയിലേക്കുള്ള വിമാനങ്ങളും സർവീസ് നടത്തിയില്ല. എയർ ഇന്ത്യ എക്സ്പ്രസ്സിന്റെ ഖത്തറിൽ നിന്നും ഇന്ത്യയിലേക്കും ഇന്ത്യയിൽ നിന്ന് ഖത്തറിലേക്കുമുള്ള മിക്ക സർവീസുകളും തുടർച്ചയായി മുടങ്ങുകയാണ്.
ഇൻഡിഗോ പരമാവധി സർവീസുകൾ നടത്തുന്നുണ്ടെങ്കിലും നൂറിൽ താഴെ യാത്രക്കാരുമായാണ് മിക്ക സർവീസുകളും നടത്തുന്നത്.നാട്ടിൽ നിന്നും തിരിച്ചുവരാൻ ഖത്തർ പോർട്ടൽ വഴിയുള്ള അനുമതി ലഭിക്കാത്തതാണ് പ്രശ്നമെങ്കിൽ ഖത്തറിൽ നിന്നും നാട്ടിലേക്ക് പോയാൽ എപ്പോൾ തിരിച്ചു വരാൻ കഴിയുമെന്ന കാര്യത്തിൽ ഉറപ്പില്ലാത്തതാണ് പലരും യാത്ര നീട്ടിവെക്കാൻ കാരണമാവുന്നത്.
ന്യൂസ്‌റൂം വാർത്തകൾ ടെലഗ്രാമിൽ ലഭിക്കാൻ ഈ ലിങ്കിൽ ചേരുക.വാർത്തകൾ വാട്സ്ആപ്പിൽ ലഭിക്കാൻ +974 66200167 എന്ന നമ്പറിൽ ബന്ധപ്പെടുക.
