March 08, 2020
March 08, 2020
ദോഹ : കോവിഡ്-19 വൈറസ് വ്യാപനം തടയുന്നതിന്റെ ഭാഗമായി ഇന്ത്യ ഉൾപെടെ പതിനാല് രാജ്യങ്ങളിൽ നിന്നുള്ളവർക്ക് ഖത്തറിൽ താൽകാലിക പ്രവേശന വിലക്ക്. ഇന്ത്യ,ബംഗ്ലാദേശ്,നേപ്പാൾ,പാക്കിസ്ഥാൻ,ഫിലിപ്പൈൻസ്,ശ്രീലങ്ക,സൗത്ത് കൊറിയ,ചൈന,ഈജിപ്ത്,ഇറാൻ,ഇറാഖ്,ലെബനോൻ,സിറിയ,തായ്ലന്റ് എന്നീ രാജ്യങ്ങളിൽ നിന്നുള്ളവർക്കാണ് പ്രവേശന വിലക്ക് ഏർപെടുത്തിയത്.പ്രവേശന വിലക്ക് മാർച്ച് 09 (നാളെ) മുതൽ പ്രാബല്യത്തിൽ വരും. ഇനിയൊരു അറിയിപ്പുണ്ടാകുന്നത് വരെ വിലക്ക് തുടരും.ഖത്തർ വാർത്താ വിതരണ കാര്യാലയമാണ് ഇക്കാര്യം അറിയിച്ചത്.കൊറോണാ വൈറസ് വ്യാപിക്കുന്നത് തടയാനുള്ള മുൻകരുതലിന്റെ ഭാഗമായാണ് നടപടി.
മേൽപറഞ്ഞ രാജ്യങ്ങളിൽ നിന്നുള്ള പൗരന്മാർക്ക് ഈ കാലയളവിൽ ഖത്തറിൽ പ്രവേശിക്കാനാവില്ല.ഖത്തറിൽ താമസ വിസയുള്ളവർക്കും സന്ദർശക വിസയിൽ എത്തുന്നവർക്കും ഓൺ അറൈവൽ വിസയിൽ ഖത്തർ സന്ദർശിക്കാൻ ഒരുങ്ങുന്നവർക്കും വിലക്ക് ബാധകമായിരിക്കും. ഖത്തറിലെ മുഴുവൻ ജനങ്ങളുടെയും സുരക്ഷ ഉറപ്പുവരുത്തുന്നതിനായി കൊറോണ വൈറസിന്റെ വ്യാപനത്തെക്കുറിച്ചുള്ള ദേശീയ ആരോഗ്യ അധികാരികളുടെയും അന്താരാഷ്ട്ര സംഘടനകളുടെയും ഏറ്റവും പുതിയ മാർഗ്ഗനിർദ്ദേശത്തെ അടിസ്ഥാനമാക്കിയാണ് തീരുമാനമെന്ന് കമ്യുണിക്കേഷൻ ഓഫീസ് പ്രസ്താവനയിൽ വ്യക്തമാക്കി.