September 11, 2019
September 11, 2019
ദോഹ: വിവിധ ഗള്‍ഫ് രാജ്യങ്ങള്‍ ഏര്‍പ്പെടുത്തിയ ഉപരോധം ഒരു ഉത്തരവാദിത്തവുമില്ലാതെ മാറ്റമില്ലാതെ തുടരുന്നത് നിയമലംഘകര്‍ക്ക് ശിക്ഷയില്ലാതെ സ്വൈരവിഹാരം നടത്താമെന്ന സംസ്‌കാരം വളര്‍ത്തുമെന്ന് ഖത്തര്‍. യു.എന്‍ മനുഷ്യാവകാശ കൗണ്‍സിലില്‍ നടന്ന പൊതുചര്‍ച്ചയിലാണ് ഖത്തറിന്റെ സ്ഥിരം പ്രതിനിധി ശൈഖ് അലി ഖല്‍ഫാന്‍ ആല്‍മന്‍സൂരി ഇക്കാര്യം വ്യക്തമാക്കിയത്. പശ്ചിമേഷ്യയിലെ ഭാവി മനുഷ്യാവകാശ പ്രശ്‌നങ്ങളിലും ഇതിന്റെ അനുരണനങ്ങളുണ്ടാകുമെന്നും അദ്ദേഹം സൂചിപ്പിച്ചു.
ഖത്തറിനെതിരെ വിവിധ ഗള്‍ഫ് രാജ്യങ്ങള്‍ ഏര്‍പ്പെടുത്തിയ ഉപരോധം തുടങ്ങിയിട്ട് രണ്ടു വര്‍ഷത്തിലേറെയായി. ഇതിന്റെ മനുഷ്യാവകാശ ലംഘന പ്രത്യാഘാതങ്ങള്‍ ഇപ്പോഴും തുടരുകയാണ്. 2017 നവംബറില്‍ മനുഷ്യാവകാശ കൗണ്‍സിലിന്റെ സാങ്കേതിക വിഭാഗം ഖത്തറില്‍ സന്ദര്‍ശനം നടത്തി മനുഷ്യാവകാശ ലംഘനങ്ങളെ കുറിച്ച് റിപ്പോര്‍ട്ട് സമര്‍പ്പിച്ചിരുന്നു. ഈ പ്രശ്‌നങ്ങള്‍ അവസാനിപ്പിക്കാന്‍ കൗണ്‍സില്‍ ഹൈക്കമ്മിഷണറുടെ കാര്യാലയം നടപടിയെടുക്കുമെന്നാണു പ്രതീക്ഷ-ശൈഖ് അലി ഖല്‍ഫാന്‍ ചര്‍ച്ചയില്‍ പറഞ്ഞു.
