April 10, 2021
April 10, 2021
ദോഹ: രാജ്യത്ത് കോവിഡ് വ്യാപനം രൂക്ഷമായതിനെ തുടർന്ന് ഏർപ്പെടുത്തിയ നിയന്ത്രണങ്ങളുടെ ഭാഗമായി ഹോംഡെലിവറി നടത്തുന്ന റെസ്റ്റോറന്റുകൾക്ക് വാണിജ്യ മന്ത്രാലയത്തിന്റെ നിർദേശം. ഭക്ഷണം ആവശ്യപ്പെട്ട സ്ഥലങ്ങളിൽ എത്തിക്കുന്ന ജീവനക്കാരുടെ ശരീര താപനിലയും മുഴുവൻ പേരും ഓരോ ഓർഡറിലും രേഖപ്പെടുത്തണമെന്ന് വാണിജ്യ മന്ത്രാലയം നിർദേശിച്ചു.
ഡെലിവറി കമ്പനികൾക്ക് നൽകിയ മാനദണ്ഡങ്ങളിലാണ് മന്ത്രാലയം ഇക്കാര്യം വ്യക്തമാക്കിയത്.ഓരോ ദിവസവും രണ്ട് പ്രാവശ്യം താപനില പരിശോധിക്കണമെന്നാണ് നിർദേശം.ഓർഡർ നൽകിയ സാധനം പ്ലാസ്റ്റിക് ബാഗിൽ ഇടണമെന്നും ഉപഭോക്താവിന് നൽകുന്നതിന് മുമ്പ് പ്ലാസ്റ്റിക് കവർ നീക്കം ചെയ്യണമെന്നും മന്ത്രാലയം നിർദേശിച്ചു.
ഫേസ് മാസ്ക് ധരിക്കുക, കൈകൾ സാനിറ്റൈസ് ചെയ്യുക തുടങ്ങിയ മുൻകരുതലുകളും ജീവനക്കാർ എടുക്കണം. രാജ്യത്ത് കോവിഡ് വ്യാപനം തടയാൻ ഏർപ്പെടുത്തിയ നിയന്ത്രണങ്ങൾ വെള്ളിയാഴ്ച പ്രാബല്യത്തിൽ വന്നിരുന്നു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
