October 14, 2021
October 14, 2021
ദോഹ : ഖത്തറിൽ നിന്നും അവധിക്ക് നാട്ടിൽ പോയ യുവാവ് രണ്ട് കുട്ടികളുടെ ജീവൻ രക്ഷിക്കാൻ ശ്രമിക്കുന്നതിനിടെ കനാലിൽ മുങ്ങിമരിച്ചു.വില്യാപ്പള്ളി അരയാക്കൂൽത്താഴെ തട്ടാറത്ത് താഴെകുനി സഹീർ(40) ആണ് മരിച്ചത്.മാഹി കനാലിൽ ഒഴുക്കിൽ പെട്ട രണ്ട് കുട്ടികളെ കരക്കെത്തിച്ച ശേഷം വെള്ളത്തിൽ മുങ്ങിത്താഴുകയായിരുന്നു.നാട്ടുകാരും ഫയർഫോഴ്സും ചേർന്ന് നടത്തിയ തെരച്ചിലിൽ ഒന്നര മണിക്കൂറിനു ശേഷമാണ് മൃതദേഹം കണ്ടെത്തിയത്. ഇന്ന് വൈകീട്ട് നാല് മണിയോടെയാണ് നാടിനെ നടുക്കിയ ദുരന്തമുണ്ടായത്.
ഖത്തറിലെ സഹ്ലിയയിൽ ആൽക്കോ കൺസ്ട്രക്ഷൻ കമ്പനിയിൽ ഡ്രൈവറായി ജോലി ചെയ്തുവരികയായിരുന്നു. ഖത്തർ ഇന്ത്യൻ സോഷ്യൽ ഫോറം സജീവ പ്രവർത്തകനായിരുന്ന സഹീർ എസ്.ഡി.പി.ഐ റെസ്ക്യൂ ടീമിൽ അംഗമാണ്.നേരത്തെ യു.എ.ഇയിലും ജോലി ചെയ്തിരുന്നു.
ഭാര്യ : സുലേഖ. മക്കൾ : സുഹൈൽ,ലുലു,യാസീൻ.
ന്യൂസ്റൂം വാർത്തകൾ ലഭിക്കാൻ +974 66200167 എന്ന ഖത്തർ വാട്സ്ആപ് നമ്പറിൽ സന്ദേശം അയക്കുക.