December 25, 2020
December 25, 2020
ദോഹ: ഗള്‍ഫ് സഹകരണ കൗണ്‍സിലിലെ (ജി.സി.സി) ഗതാഗത മന്ത്രിമാരുടെ 22-ാമത് യോഗത്തില്‍ ഖത്തര്‍ പങ്കെടുത്തു. വീഡിയോ കോണ്‍ഫറന്‍സ് വഴി വ്യാഴാഴ്ച നടന്ന യോഗത്തില്‍ ഖത്തറിന്റെ ഗതാഗത-വാര്‍ത്താ വിനിമയ മന്ത്രി ജാസിം സെയ്ഫ് അഹമ്മദ് അല്‍ സുലൈതിയുടെ നേതൃത്വത്തിലുള്ള പ്രതിനിധി സംഘം പങ്കെടുത്തു.
കൊവിഡ്-19 ഗതാഗത മേഖലയെയും വാര്‍ത്താവിനിമയ മേഖലയെയും എങ്ങനെ ബാധിച്ചു എന്നത് സംബന്ധിച്ച വിവിധ കാര്യങ്ങള്‍ യോഗം ചര്‍ച്ച ചെയ്തു. ജി.സി.സി റെയില്‍ റോഡ് നെറ്റ്‌വര്‍ക്ക് പ്രൊജക്റ്റിനെ പറ്റിയും യോഗം ചര്‍ച്ച ചെയ്തു.
വീഡിയോ കോൺഫറൻസിലൂടെ നടന്ന യോഗം
കൊവിഡിനു ശേഷം സ്വീകരിക്കേണ്ട ഗള്‍ഫ് രാജ്യങ്ങളുടെ സംയുക്തമായ നടപടികളെ കുറിച്ചുള്ള ഹയര്‍ കൗണ്‍സിലിന്റെ പ്രമേയങ്ങള്‍ നടപ്പാക്കുന്നതിനുള്ള നിര്‍ദ്ദേശങ്ങള്‍ മന്ത്രിമാര്‍ യോഗത്തില്‍ പങ്കുവച്ചു. എല്ലാ ജി.സി.സി രാജ്യങ്ങളെയും ഉള്‍ക്കൊള്ളിച്ചു കൊണ്ടുള്ള ജി.സി.സിയുടെ സ്മാര്‍ട് ട്രാന്‍സ്‌പോര്‍ട്ടേഷന്‍ പാറ്റേണിനെ കുറിച്ചുള്ള കണ്‍സല്‍റ്റേഷന്‍ പഠനങ്ങള്‍ വിപുലീകരിക്കാനും യോഗം തീരുമാനിച്ചു.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.
