March 11, 2022
March 11, 2022
ദോഹ : അമേരിക്കയുടെ നാറ്റോ ഇതര സഖ്യകക്ഷിയായി ഖത്തറിനെ തിരഞ്ഞെടുത്തു. നേരത്തേ തന്നെ ഇക്കാര്യത്തിൽ ഇരുരാജ്യങ്ങളും സ്ഥിരീകരണം നൽകിയിരുന്നെങ്കിലും, ഔദ്യോഗിക പ്രഖ്യാപനം വൈകുകയായിരുന്നു. അമേരിക്കൻ പ്രസിഡന്റ് ജോ ബൈഡനാണ് വ്യാഴാഴ്ച വൈകീട്ടോടെ പ്രഖ്യാപനം നടത്തിയത്. ഇതോടെ, ദോഹയും വാഷിങ്ങ്ടണുമായുള്ള നയതന്ത്രബന്ധം കൂടുതൽ ഊഷ്മളമാവും.
അമേരിക്കയുടെ നാറ്റോ ഇതര സഖ്യകക്ഷിയാവുന്ന മൂന്നാമത്തെ രാജ്യമാണ് ഖത്തർ. കുവൈത്ത്, ബഹ്റൈൻ എന്നീ രാജ്യങ്ങൾക്കാണ് മുൻപ് ഈ പദവി ലഭിച്ചത്. ഏറെ വർഷങ്ങളായി, മികച്ച ബന്ധമാണ് ഖത്തറിനും അമേരിക്കക്കും ഇടയിലുള്ളത്. താലിബാൻ അഫ്ഗാനിസ്ഥാനിലെ നിയന്ത്രണം ഏറ്റെടുത്തതിന് പിന്നാലെ നടന്ന ക്രമസമാധാന പ്രശ്നങ്ങളിൽ ഖത്തർ വഹിച്ച മധ്യസ്ഥത ഏറെ പ്രശംസിക്കപ്പെട്ടിരുന്നു. യുക്രൈൻ - റഷ്യ യുദ്ധത്തിന്റെ ഭാഗമായി ഉടലെടുത്ത ഇന്ധന പ്രതിസന്ധി പരിഹരിക്കുന്നതിലും ഖത്തറിന് വലിയ പങ്കുണ്ട്. റഷ്യയിൽ നിന്നുള്ള ഇന്ധന വരവ് നിലച്ചതോടെ, ഖത്തറിനെ ആശ്രയിക്കാനാണ് പല യൂറോപ്യൻ രാജ്യങ്ങളുടെയും തീരുമാനം.