January 31, 2022
January 31, 2022
ദോഹ : സ്വകാര്യമേഖലയിൽ ഖത്തറി പൗരന്മാർക്ക് അവസരങ്ങൾ ഒരുക്കാനുള്ള നീക്കവുമായി തൊഴിൽ മന്ത്രാലയം. സ്വദേശിവത്കരണത്തിന്റെ ആദ്യപടിയായി 444 ഒഴിവുകളാണ് ഖത്തറി പൗരന്മാർക്കായി ഒരുക്കിയിട്ടുള്ളത്. സ്വകാര്യ മേഖലയിലെ 48 കമ്പനികളിലായാണ് ഈ ഒഴിവുകൾ.
ഖത്തറിന്റെ ഔദ്യോഗിക എംപ്ലോയ്മെന്റ് ആപ്ലിക്കേഷനായ 'കവാദറി'ലൂടെയാണ് ഈ ജോലികൾക്കുള്ള അപേക്ഷ സമർപ്പിക്കേണ്ടത്. ജോലി ആവശ്യമുള്ള മുഴുവൻ ഖത്തറി പൗരന്മാരും അപേക്ഷിക്കണമെന്നും, മന്ത്രാലയം നൽകുന്ന ആനുകൂല്യങ്ങൾ സ്വീകരിക്കണമെന്നും തൊഴിൽ മന്ത്രാലയം ആഹ്വാനം ചെയ്തു. കഴിഞ്ഞ വർഷത്തിന്റെ അവസാന മൂന്ന് മാസങ്ങളിലായി 230 ഖത്തറി പൗരന്മാർക്ക് തൊഴിൽ മന്ത്രാലയം ജോലി നൽകിയിരുന്നു.