April 07, 2024
April 07, 2024
ദോഹ: പെരുന്നാൾ ആഘോഷം വ്യത്യസ്തമാക്കാൻ നടുമുറ്റം ഖത്തർ. ‘ഈദ് സ്നേഹപ്പൊതി’ എന്ന പേരിൽ പെരുന്നാൾ ദിനത്തിൽ ഭക്ഷണത്തിനു പ്രയാസമനുഭവിക്കുന്നവരെ ചേർത്തുപിടിക്കാൻ ലക്ഷ്യമാക്കിയാണ് പരിപാടി സംഘടിപ്പിക്കുന്നത്.
നടുമുറ്റം പ്രവർത്തകരായ വനിതകൾ വീടുകളിൽ തയാറാക്കിയ ഉച്ചഭക്ഷണത്തിൽനിന്ന് ഒരു പങ്ക് സ്നേഹപ്പൊതിയിലേക്ക് കൈമാറിയാണ് ഖത്തറിന്റെ വിവിധ ഭാഗങ്ങളിൽ ഭക്ഷണം എത്തിക്കുന്നത്. റമദാൻ അവസാനദിനങ്ങളാവുന്നതോടെ ആവശ്യക്കാരുടെ കണക്കെടുത്താണ് ഭക്ഷണക്കിറ്റുകളുടെ വിതരണം നടത്തുന്നത്. ഈ വർഷം ഇതുവരെ ലഭിച്ച കണക്കുകളുടെ അടിസ്ഥാനത്തിൽ ആയിരത്തിലധികം പേർക്ക് പെരുന്നാൾ ദിനത്തിൽ സ്നേഹപ്പൊതി കൈമാറും.
നുഐജയിലെ പ്രവാസി വെൽഫെയർ ഓഫിസിൽവെച്ച് ടീം വെൽഫെയറിന്റെയും നടുമുറ്റം പ്രവർത്തകരുടെയും സഹായത്തോടു കൂടിയാണ് സ്നേഹപ്പൊതി വിതരണം നടക്കുക. പരിപാടിക്ക് നടുമുറ്റം കേന്ദ്ര, ഏരിയ ഭാരവാഹികൾ നേതൃത്വം നൽകും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F