July 20, 2020
July 20, 2020
ദോഹ : ഖത്തറിൽ പുതുതായി കോവിഡ് സ്ഥിരീകരിക്കുന്നവരുടെ എണ്ണത്തിൽ വീണ്ടും ഗണ്യമായ കുറവ് രേഖപ്പെടുത്തി. കഴിഞ്ഞ 24 മണിക്കൂറിനിടെ നാനൂറിൽ താഴെ പേർക്ക് മാത്രമാണ് പുതുതായി രോഗം സ്ഥിരീകരിച്ചത്. 389 പേർക്ക് പുതുതായി രോഗം സ്ഥിരീകരിച്ചപ്പോൾ 405 പേർക്ക് രോഗം ഭേദമായി. ഇതോടെ,ആകെ രോഗമുക്തി നേടിയവർ 103,782 ആയി ഉയർന്നു. രണ്ടു പേർ കൂടി മരണപ്പെട്ടതോടെ മരണ സംഖ്യ 159 ആയി.
പുതുതായി 30 പേരെയാണ് ഗുരുതര രോഗലക്ഷണങ്ങളോടെ ആശുപത്രിയിൽ പ്രവേശിപ്പിച്ചത്.ഒൻപത് പേരെ തീവ്ര പരിചരണ വിഭാഗത്തിലേക്ക് മാറ്റിയിട്ടുണ്ട്. നിലവിൽ 537 പേരാണ് ചികിത്സയിൽ തുടരുന്നത്. ഇവരിൽ 126 പേർ തീവ്രപരിചരണ വിഭാഗത്തിലാണ്.
ഇനി 3096 പേരാണ് രാജ്യത്ത് കോവിഡ് പോസറ്റിവായി തുടരുന്നത്. ഇതുവരെ രാജ്യത്ത് 446,036 പേരിൽ കോവിഡ് പരിശോധന നടത്തിയിട്ടുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
