December 18, 2021
December 18, 2021
ദോഹ : ഖത്തറിന്റെ പതാക അടങ്ങിയ പ്രത്യേകഡൂഡിലിലൂടെ ദേശീയദിനത്തിന് ആശംസകൾ നേർന്ന് ഗൂഗിൾ. വെബ്സൈറ്റിന്റെ ഹോം പേജിൽ ശനിയാഴ്ചയാണ് ഡൂഡിൽ പ്രത്യക്ഷപ്പെട്ടത്. നീലാകാശത്ത് പാറിപ്പറക്കുന്ന ഖത്തറി പതാകയാണ് ഇന്ന് ഗൂഗിളിൽ കാര്യങ്ങൾ തിരയാനെത്തുന്നവരെ എതിരേൽക്കുക.
ദേശീയ ഐക്യത്തിന്റെ 143 വർഷങ്ങൾക്ക് ഖത്തറിനെ ആശംസിക്കുന്നു എന്ന സന്ദേശവും ഡൂഡിലിനൊപ്പം ഗൂഗിൾ കുറിച്ചിട്ടുണ്ട്. 1971 ൽ തിരഞ്ഞെടുക്കപ്പെട്ട ദേശീയപതാകയുടെ സവിശേഷതകളും ഗൂഗിൾ വിശദമായി നൽകിയിട്ടുണ്ട്. ഖത്തറിൽ ദേശീയദിനത്തോട് അനുബന്ധിച്ച് നടക്കുന്ന പരിപാടികളുടെ വിവരണവും ഗൂഗിൾ ഹോം പേജിൽ കാണാം.