July 28, 2020
July 28, 2020
ദോഹ : ഖത്തറിൽ പെരുന്നാൾ നമസ്കാരം നടക്കുന്ന 401 പള്ളികളുടെയും ഈദ്ഗാഹുകളുടെയും വിശദമായ പട്ടിക മതകാര്യ മന്ത്രാലയം(ഔഖാഫ്) പുറത്തുവിട്ടു.രാജ്യത്തെ 200 പള്ളികളിലാണ് അടുത്ത വെള്ളിയാഴ്ച മുതൽ ജുമുഅ നമസ്കാരത്തിന് അനുമതിയുള്ളത്. ജുമുഅ ഖുതുബയ്ക്ക് 30 മിനുട്ട് മുമ്പ് ആദ്യ ബാങ്ക് വിളിയോട് കൂടിയാണ് പള്ളികള്‍ തുറക്കുക. നമസ്കാരം കഴിഞ്ഞ് 10 മിനിട്ടുകൾക്ക് ശേഷം പള്ളികള്‍ അടക്കും. ഖുതുബയിലും നമസ്‌കാരത്തിലും സാമൂഹിക അകലം പാലിക്കണം.അതേസമയം, സ്ത്രീകള്‍ക്കും കുട്ടികള്‍ക്കും പ്രവേശനം ഉണ്ടാവില്ല.
പള്ളികളിൽ പ്രാത്ഥനയ്ക്കായി എത്തുന്നവർ ആരോഗ്യമന്ത്രാലയത്തിന്റെ എല്ലാ മുൻകരുതലുകളും പാലിക്കണമെന്ന് നിർദേശിച്ചിട്ടുണ്ട്.മുതിര്‍ന്ന പൗരന്മാര്‍ക്കും ഗുരുതര ആരോഗ്യ പ്രശ്‌നങ്ങള്‍ ഉള്ളവര്‍ക്കും വീടുകളില്‍ തന്നെ നമസ്കാരം തുടരാവുന്നതാണെന്നും മന്ത്രാലയം ഓര്‍മിപ്പിച്ചു.നമസ്കരിക്കാനുള്ള മുസല്ലയും മുസ്ഹഫും നമസ്കരിക്കാൻ വരുന്നവർ കൊണ്ടുവരണം.മുസല്ലയോ മുസ്ഹഫോ പള്ളികളിൽ ഉപേക്ഷിക്കരുത്. മൊബൈൽ ഫോണിലെ ആപ് ഉപയോഗിച്ചും ഖുർആൻ പാരായണം ചെയ്യാം.ഹസ്തദാനം ഉൾപെടെ ഒരു തരത്തിലുള്ള ശാരീരിക സമ്പർക്കവും പാടില്ലെന്നും നിർദേശമുണ്ട്.
പെരുന്നാൾ നമസ്കാരം നടക്കുന്ന പള്ളികളുടെയും ഈദ് ഗാഹുകളുടെയും വിശദമായ പട്ടിക കാണാൻ ഇവിടെ ക്ലിക്ക് ചെയ്യുക. ഇവിടെ ക്ലിക്ക് ചെയ്‌താൽ വെള്ളിയാഴ്ച്ചകളിലെ ജുമുഅ നമസ്കാരം നടക്കുന്ന പള്ളികളുടെ വിവരം അറിയാം.
ന്യൂസ്‌റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
