September 01, 2022
September 01, 2022
ദോഹ: നെതർലൻഡ്സിൽ നിന്നുള്ള ഹോളണ്ട്സ് ഗ്ലോറി ബ്രാൻഡിൽ നിന്നുള്ള ചീര,
അറൂഗ്യുള(arugula) തുടങ്ങിയ ഇലക്കറി ഉൽപന്നങ്ങൾ കഴിക്കുന്നതിനെതിരെ പൊതുജനാരോഗ്യ മന്ത്രാലയം (MoPH) മുന്നറിയിപ്പ് നൽകി.ഇ-കോളി ബാക്ടീരിയയുടെ സാന്നിധ്യം സംശയിക്കുന്നതിനാലാണ് നടപടി. യൂറോപ്യൻ റാപ്പിഡ് അലേർട്ട് സിസ്റ്റം ഫോർ ഫുഡ് ആൻഡ് ഫീഡ് (RASFF) നടത്തിയ പരിശോധനയിൽ ഇ-കോളി ബാക്ടീരിയയുടെ സാന്നിധ്യം കണ്ടെത്തിയിട്ടുണ്ടെന്നും മന്ത്രാലയം ഔദ്യോഗിക വെബ്സൈറ്റിൽ നൽകിയ അറിയിപ്പിൽ വ്യക്തമാക്കി.
ഉൽപന്നം വിപണിയിൽ നിന്ന് പിൻവലിക്കാൻ വിതരണക്കാർക്ക് നിർദേശം ലഭിച്ചതിനാൽ ആവശ്യമായ മുൻകരുതൽ നടപടികൾ സ്വീകരിച്ചതായും മന്ത്രാലയം അറിയിച്ചു.സുരക്ഷിതത്വം ഉറപ്പുവരുത്താൻ ഈ ബ്രാൻഡിൽ പെട്ട ഉൽപന്നങ്ങൾ വിപണിയിൽ നിന്ന് പിൻവലിച്ചുവെന്ന് ഉറപ്പുവരുത്താൻ ഉദ്യോഗസ്ഥർക്ക് നിർദേശം നൽകിയതായും മന്ത്രാലയം വ്യക്തമാക്കി.
ഇനി ഒരു അറിയിപ്പുണ്ടാകുന്നത് വരെ ഹോളണ്ട്സ് ഗ്ലോറി ബ്രാൻഡിൽ നിന്നുള്ള ചീര,
അറൂഗ്യുള തുടങ്ങിയ ഇലക്കറികൾ ഉപയോഗിക്കരുതെന്ന് മന്ത്രാലയം പൊതുജനങ്ങളോട് നിർദേശിച്ചു.ഗൾഫ് നാടുകളിൽ സസ്യേതര ആഹാരങ്ങൾക്കൊപ്പം വേവിക്കാതെ കഴിക്കുന്ന ഇലക്കറിയാണ് റോക്കറ്റ് ലൈവ്സ് എന്നറിയപ്പെടുന്ന അറൂഗ്യുള.
ന്യൂസ്റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/DoTp5mITouhJcwHKcDKLsm എന്ന ലിങ്കിൽ ജോയിൻ ചെയ്യുക