April 21, 2021
April 21, 2021
ദോഹ: ഖത്തറിൽ കടകളിലും സൂപ്പർമാർക്കറ്റുകളിലും ഷോപ്പിംഗ് നടത്തുന്നവർ അവർ വാങ്ങാനുദ്ദേശിക്കാത്ത ഉത്പന്നങ്ങളില് തൊടരുതെന്ന് വാണിജ്യ വ്യവസായ മന്ത്രാലയം അഭ്യർത്ഥിച്ചു.സാധനങ്ങൾ വെറുതെ കയ്യിലെടുത്ത് പരിശോധിക്കുന്ന പ്രവണത ഒഴിവാക്കണമെന്നാണ് നിർദേശം.
കോവിഡ് കാലത്ത് ഷോപ്പിംഗ് സുരക്ഷിതമാക്കാനായി മന്ത്രാലയം പുറപ്പെടുവിച്ച നിർദേശങ്ങളിലാണ് ഇക്കാര്യം പറയുന്നത്.മാളുകളിൽ ഷോപ്പിംഗ് നടത്തുന്നവർ ഇക്കാര്യങ്ങൾ ശ്രദ്ധിക്കണം.
- തിരക്കില്ലാത്ത സമയങ്ങളിൽ ഷോപ്പിംഗ് നടത്തുക
- ഷോപ്പിംഗിനു മുമ്പും ശേഷവും വെള്ളവും സോപ്പും ഉപയോഗിച്ച് കൈകൾ കഴുകുക
- വാങ്ങാൻ ഉദ്ദേശിക്കാത്ത ഉൽപ്പന്നങ്ങൾ സ്പർശിക്കാതിരിക്കുക
- അണുവിമുക്തമാക്കിയ വൈപ്പുകൾ ഉപയോഗിച്ച് ഷോപ്പിംഗ് കാർട്ട് ഹാൻഡിലുകൾ അണുവിമുക്തമാക്കുക
- സ്റ്റോറിൽ നിന്ന് പുറത്തുകടക്കുന്നതിന് മുമ്പ് നിങ്ങളുടെ കൈകൾ അണുവിമുക്തമാക്കുക
- മറ്റ് ഷോപ്പർമാരിൽ നിന്ന് കുറഞ്ഞത് ഒന്നര മീറ്ററെങ്കിലും സുരക്ഷിതമായ അകലം പാലിക്കുക.
- ഷോപ്പിംഗ് സമയത്ത് മുഖത്ത് തൊടരുത്
- അണുവിമുക്തമാക്കിയ ടിഷ്യുകൾ ഉപയോഗിച്ച് ക്യാനുകൾ തുടയ്ക്കുക
- കഴിവതും എ.ടി.എം കാർഡ് ഉപയോഗിച്ച് പണമടയ്ക്കുക
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക