December 30, 2021
December 30, 2021
ദോഹ : ഒമിക്രോൺ വകഭേദത്തിന്റെ കടന്നുവരവോടെ വാക്സിനേഷന്റെ പ്രാധാന്യം വർധിച്ചെന്നും, കുട്ടികൾക്ക് വാക്സിൻ നൽകാൻ രക്ഷിതാക്കൾ മുന്നോട്ട് വരണമെന്നും ഖത്തർ ആരോഗ്യമന്ത്രാലയം അഭ്യർത്ഥിച്ചു. കുട്ടികളുടെ സുരക്ഷ ഉറപ്പുവരുത്താൻ ആഴ്ചയിൽ ഒരിക്കൽ കോവിഡ് പരിശോധന നടത്തണമെന്ന നിർദേശവും മന്ത്രാലയം മുന്നോട്ടുവെച്ചു.
സ്കൂളുകളിൽ ക്ലാസുകൾ നടക്കുന്നതിനാൽ വാക്സിനേഷന്റെ കാര്യത്തിൽ അധ്യാപകരും വിട്ടുവീഴ്ചയില്ലാതെ ഡോസുകൾ സ്വീകരിക്കണമെന്നും പത്രക്കുറിപ്പിലൂടെ ആരോഗ്യമന്ത്രാലയം അറിയിച്ചു. കോവിഡ് മഹാമാരിയെ നേരിടാൻ ഒറ്റക്കെട്ടായി പൊരുതേണ്ടതിന്റെ ആവശ്യകത ആവർത്തിച്ച മന്ത്രാലയം, മാസ്ക്, സാമൂഹിക അകലം തുടങ്ങിയ പ്രതിരോധനടപടികൾ കൃത്യമായി പിന്തുടരാനും ആഹ്വാനം ചെയ്തു.
