December 15, 2021
December 15, 2021
ദോഹ : ഖത്തറുമായി വ്യാപാരങ്ങൾ നടത്തുന്ന രാജ്യങ്ങളുടെ പട്ടികയിൽ ഇന്ത്യക്ക് മൂന്നാം സ്ഥാനം. ഇന്ത്യക്കാരുടെ പൂർണ ഉടമസ്ഥതയിലുള്ള 55 കമ്പനികളും, ഇന്ത്യ - ഖത്തർ പൗരന്മാരുടെ സംയുക്ത ഉടമസ്ഥതയിൽ 15000 കമ്പനികളുമാണ് ഖത്തറിൽ പ്രവർത്തിക്കുന്നത്. വാണിജ്യവ്യവസായ മന്ത്രാലയത്തിന്റെ അണ്ടർ സെക്രട്ടറിയായ റാഷിദ്‌ അൽ ഖാതിർ ആണ് ഈ കണക്കുകൾ പുറത്തുവിട്ടത്.
വ്യവസായ സാദ്ധ്യതകൾ ചർച്ച ചെയ്യാനുള്ള പ്രത്യേക ഉച്ചകോടിക്കിടെയാണ് ഖാതിർ ഈ കണക്കുകൾ അവതരിപ്പിച്ചത്. മൂന്ന് ദിവസം നീണ്ടുനിന്ന ഉച്ചകോടി, ഇന്ത്യൻ വ്യവസായവകുപ്പ് മന്ത്രി പിയൂഷ് ഗോയലാണ് വീഡിയോ കോൺഫറൻസിങ് സംവിധാനത്തിലൂടെ ഉദ്ഘാടനം ചെയ്തത്. ഖത്തറിലെ നിക്ഷേപസാധ്യതകളെ കൃത്യമായി വിലയിരുത്തിയ ഉച്ചകോടിയിൽ 26 സെഷനുകളാണ് നടന്നത്. ഈ വർഷത്തോടെ ഖത്തറിന്റെ സാമ്പത്തിക വളർച്ചയിൽ 3 ശതമാനം ഉയർച്ച കൈവരിക്കുമെന്ന ലോകബാങ്കിന്റെ റിപ്പോർട്ടും ഖാതിർ പങ്കുവെച്ചു.
