September 25, 2021
September 25, 2021
കോവിഡ് പോലെയുള്ള മഹാമാരികളെ നേരിടുന്നതിന് ഐക്യത്തോടെയുള്ള പ്രവർത്തനങ്ങളാണ് വേണ്ടതെന്ന് ആരോഗ്യമന്ത്രി ഹനാൻ മുഹമ്മദ് അൽ കുവാരി. നാഷണൽ അക്കാദമി ഓഫ് സയൻസും എൻജിനീയറിങ് ആൻഡ് മെഡിസിൻ വിഭാഗവും സംയുക്തമായി സംഘടിപ്പിച്ച വെബിനാറിൽ മുഖ്യ പ്രഭാഷണം നടത്തുകയായിരുന്നു മന്ത്രി.
കോവിഡിനെ ഒരു വലിയ പാഠമായി ഉൾക്കൊണ്ടുകൊണ്ട്, ഭാവിയിലേക്ക് കൂടുതൽ മുന്നൊരുക്കങ്ങൾ നടത്തേണ്ടതുണ്ടെന്നും മന്ത്രി അഭിപ്രായപ്പെട്ടു. ശാസ്ത്ര തത്വങ്ങൾ ആവണം ഇത്തരം ഘട്ടങ്ങളിൽ ഉയർത്തിപിടിക്കേണ്ടത്. രാജ്യത്തിന് സർവ്വസജ്ജമായ ആരോഗ്യസംവിധാനം ഉള്ളതിനാലും, നിർവഹണം കൃത്യമായ രീതിയിൽ നടത്തിയതിനാലും, ഒത്തിരി ജീവനുകൾ രക്ഷിക്കാൻ കഴിഞ്ഞതായും മന്ത്രി കൂട്ടിച്ചേർത്തു. ആരോഗ്യരംഗത്തിന് ഈ പ്രതിസന്ധിയെ നേരിടാൻ കഴിഞ്ഞതിന്റെ പ്രതിഫലനമായാണ് സാമ്പത്തിക രംഗത്ത് ഇപ്പോഴും സ്ഥിരത കാണിക്കാൻ ഖത്തറിന് കഴിയുന്നതെന്നും മന്ത്രി അഭിപ്രായപ്പെട്ടു.