March 26, 2022
March 26, 2022
ദോഹ : മിഡിൽ ഈസ്റ്റ് മേഖലയിലെ വ്യോമഅതിർത്തികൾ പരിഷ്കരിക്കാൻ തീരുമാനിച്ചതായി ഇന്റർനാഷണൽ സിവിൽ ഏവിയേഷൻ ഓർഗനൈസേഷൻ അറിയിച്ചു. ഇതോടെ ഖത്തറിന് സ്വന്തമായി എയർ സ്പേസ് ലഭിക്കും. ദോഹ എഫ്.ഐ.ആർ (ഫ്ലൈറ്റ് ഇൻഫോർമേഷൻ റീജിയൻ) എന്നാണ് ഖത്തറിന്റെ അധീനതയിലുള്ള വ്യോമാതിർത്തിക്ക് പേര് നൽകിയിരിക്കുന്നത്.
ഖത്തറിന് സ്വന്തമായി എയർ സ്പേസ് ലഭിച്ചതോടെ, ബഹ്റൈന്റെ എയർസ്പേസ് ചുരുങ്ങും. അമേരിക്ക, സിംഗപ്പൂർ, ദക്ഷിണാഫ്രിക്ക, ഗ്രീസ് സൗദി, യു.എ.ഇ തുടങ്ങിയ രാജ്യങ്ങളുടെ അനുമതിയോടെയാണ് ഖത്തറിന് എയർസ്പേസ് അനുവദിച്ചതെന്ന് അധികൃതർ അറിയിച്ചു. സ്വന്തമായി എയർസ്പേസ് ലഭിച്ചതോടെ ഖത്തറിന്റെ വിമാനസർവീസുകൾക്ക് കൂടുതൽ നേട്ടങ്ങൾ കൈവരിക്കാനാവുമെന്ന് വിദഗ്ദർ അഭിപ്രായപ്പെട്ടു.