October 21, 2021
October 21, 2021
ദോഹ : ഇന്ത്യക്ക് നൽകാനുള്ള എൽഎൻജി കാർഗോകൾ ലക്ഷ്യസ്ഥാനത്ത് എത്തിക്കുന്നതിൽ താമസം നേരിടുന്നുവെന്ന വിവാദത്തോട് പ്രതികരിച്ച് ഖത്തർ എനർജി അധികൃതർ രംഗത്ത്. ഊർജവിപണനമേഖലയിലെ തങ്ങളുടെ വിശ്വസ്ത പങ്കാളികളിൽ ഒന്നാണ് ഇന്ത്യയെന്നും ഇന്ത്യയിലേക്ക് കയറ്റി അയക്കാനുള്ള ഓർഡറുകളിൽ കാലതാമസം വരുത്താറില്ലെന്നുമാണ് അധികൃതർ അറിയിച്ചത്. കഴിഞ്ഞ അഞ്ചുവർഷത്തിനിടെ നേരിടേണ്ടിവന്നതിൽ ഏറ്റവും രൂക്ഷമായ ഊർജപ്രതിസന്ധി നേരിടുന്ന ഇന്ത്യ, ഇക്കാര്യത്തിൽ ഖത്തറിനെ കുറ്റപെടുത്തിയതായി നേരത്തെ റോയിട്ടേഴ്‌സ് റിപ്പോർട്ട് ചെയ്തിരുന്നു. ഇതിന് പിന്നാലെയാണ് സംഭവത്തിൽ ഔദ്യോഗികവിശദീകരണവുമായി ഖത്തർ എനർജി രംഗത്തെത്തിയത്.
