February 05, 2022
February 05, 2022
ദോഹ : ആഫ്രിക്കൻ രാജ്യമായ നമീബിയയോട് ചേർന്നുള്ള പുറംകടലിൽ എണ്ണ ശേഖരം കണ്ടെത്തിയതായി ഖത്തർ എനർജി അറിയിച്ചു. ആഴക്കടൽ ഖനനം നടത്തിയാണ് എണ്ണയുടെ സാന്നിധ്യം കണ്ടെത്തിയത്. നമീബിയൻ പെട്രോളിയം കോർപറേഷനുമായി കൈകോർത്താണ് ഇവിടെ ഖനനം നടത്തുന്നത്.
പദ്ധതിയുടെ 45 ശതമാനം ഓഹരിയാണ് ഖത്തർ എനർജിക്ക് ഉള്ളത്. വിശദമായ പഠനങ്ങൾക്ക് ശേഷമേ ഇവിടെ ഉത്പാദിപ്പിക്കാൻ കഴിയുന്ന എണ്ണയുടെ അളവ് അറിയാൻ കഴിയൂ എന്ന് അധികൃതർ അറിയിച്ചു. ഈ കണ്ടുപിടിത്തത്തിൽ ഏറെ സന്തോഷം ഉണ്ടെന്നും, നമീബിയൻ ഗവൺമെന്റുമായി സഹകരിച്ച് കൂടുതൽ ഗവേഷണങ്ങൾ നടത്തുമെന്നും ഖത്തർ ഊർജ്ജകാര്യ മന്ത്രി സാദ് ഷെറീദ അൽ കാബി അറിയിച്ചു.