March 11, 2022
March 11, 2022
ദോഹ : കോവിഡിനെ പ്രതിരോധിക്കാനുള്ള വാക്സിനേഷന്റെ വിതരണത്തിൽ തുല്യത ഉറപ്പുവരുത്തണമെന്ന് ഖത്തർ ആവശ്യപ്പെട്ടു. രാജ്യങ്ങൾ ഒറ്റക്കെട്ടായി, പരസ്പരം സഹകരിച്ചു പ്രവർത്തിച്ചാൽ മാത്രമേ കോവിഡിനെ അതിജീവിക്കാൻ കഴിയൂ എന്നും ഖത്തർ വിലയിരുത്തി. മനുഷ്യാവകാശ കൗൺസിലിന്റെ 49ആം കൗൺസിലിന്റെ ചർച്ചക്കിടെയാണ് ഖത്തർ നിലപാട് വ്യക്തമാക്കിയത്.
വിവേചനമില്ലാതെ, മൂന്നാം ലോക രാജ്യങ്ങൾക്കടക്കം വാക്സിൻ ലഭ്യത ഉറപ്പുവരുത്തണമെങ്കിൽ, വികസിത രാജ്യങ്ങൾ കൂടുതൽ പരിശ്രമിക്കണമെന്നും ഖത്തർ അഭിപ്രായപ്പെട്ടു. അഭ്യർത്ഥികളും പലായനം ചെയ്തവരും ഉൾപ്പെടുന്ന, എളുപ്പം കോവിഡ് പിടിപെടാൻ സാധ്യതയുള്ള ആളുകൾക്ക് വേഗം വാക്സിൻ ലഭ്യമാക്കണമെന്നും ഖത്തർ കൂട്ടിച്ചേർത്തു.