January 10, 2022
January 10, 2022
ദോഹ : രാജ്യത്തെ അധ്യയന വർഷം ആരംഭിക്കുന്ന തിയ്യതി പ്രഖ്യാപിച്ചു. ഉന്നത വിദ്യാഭ്യാസ മന്ത്രി ബുതൈന ബിൻത് അലി അൽ ജാബിർ അൽ നുഐമിയാണ് പ്രഖ്യാപനം നടത്തിയത്. ഓഗസ്റ്റ് 14 നാണ് ഖത്തറിൽ പുതിയ അധ്യയന വർഷം ആരംഭിക്കുക.
ഓഗസ്റ്റ് 14 ന് സ്കൂൾ ജീവനക്കാർ അതത് വിദ്യാഭ്യാസസ്ഥാപനങ്ങളിൽ ഹാജരാവണം. വിദ്യാർത്ഥികൾക്ക് ഓഗസ്റ്റ് 16 മുതലാണ് ക്ലാസുകൾ ആരംഭിക്കുക. ഡിസംബർ 25 മുതലാണ് രണ്ടാം സെമസ്റ്റർ ക്ലാസുകൾ ആരംഭിക്കുക. നവംബർ 20 മുതൽ ഡിസംബർ 22 വരെ വിദ്യാർത്ഥികൾക്ക് മധ്യ അവധി ലഭിക്കും. അധ്യയന വർഷത്തിലെ അവസാന പരീക്ഷ ജൂൺ ആറിന് ആരംഭിക്കും. പുതിയ അധ്യയന വർഷത്തെ കുറിച്ചുള്ള വിശദവിവരങ്ങൾ മന്ത്രാലയത്തിന്റെ വെബ്‌സൈറ്റിൽ ലഭ്യമാണ്. http://www.edu.gov.qa
