July 14, 2021
July 14, 2021
ദോഹ: ഖത്തറിൽ കഴിഞ്ഞ 24 മണിക്കൂറിനുള്ളിൽ 134 പേർക്ക് കോവിഡ് സ്ഥിരീകരിച്ചതായി പൊതുജനാരോഗ്യ മന്ത്രാലയം അറിയിച്ചു. 116 പേർ രോഗമുക്തരായി.
പുതുതായി ആരും മരണപ്പെട്ടിട്ടില്ല. രാജ്യത്ത് ഇതുവരെ 599 പേർ കോവിഡ് ബാധിച്ച് മരിച്ചിട്ടുണ്ട്.
ചികിത്സയിലുള്ള കോവിഡ് രോഗികളുടെ എണ്ണം 1,516 ആയി ഉയർന്നു.
പുതിയ 134 കേസുകളിൽ 80 പേര്ക്ക് സമൂഹ വ്യാപനത്തിലൂടെയാണ് കോവിഡ് പിടിപെട്ടത്. 54 പേർ വിദേശത്ത് നിന്ന് മടങ്ങിയെത്തിയ യാത്രക്കാരാണ്.
കഴിഞ്ഞ 24 മണിക്കൂറിനുള്ളിൽ 13 പേർ ആശുപത്രിയിൽ ചികിത്സ തേടി. ആശുപത്രിയിൽ ചികിത്സയിലുള്ള കോവിഡ് രോഗികളുടെ എണ്ണം ഇതോടെ 71 ആയി.ഇതിൽ 30 പേർ ഐ.സി.യു.വില്‍ ചികിത്സയിലാണ്.മൂന്നു പേരെയാണ് പുതുതായി ഐസിയുവിൽ പ്രവേശിപ്പിച്ചത്.
