April 19, 2021
April 19, 2021
ദോഹ : ഖത്തറിൽ പ്രതിദിന കോവിഡ് മരണ നിരക്ക് വീണ്ടും കുറഞ്ഞു.കഴിഞ്ഞ 24 മണിക്കൂറിനുള്ളിൽ ഖത്തറിൽ കോവിഡ് ബാധിച്ച് 4 പേർ മരണപ്പെട്ടതായി ആരോഗ്യ മന്ത്രാലയം അറിയിച്ചു.കഴിഞ്ഞ ഏതാനും ദിവസങ്ങളായി കോവിഡ് ബാധിച്ചു ചികിത്സയിലിരിക്കെ മരിക്കുന്നവരുടെ എണ്ണം ഗണ്യമായി ഉയർന്നിരുന്നു.
896 പുതിയ കേസുകളാണ് റിപ്പോർട്ട് ചെയ്തത്.
36, 54, 58,65 വയസ്സുള്ള രോഗികളാണ് മരിച്ചത്. ഇതോടെ രാജ്യത്ത് കോവിഡ് ബാധിച്ചു മരണപ്പെട്ടവരുടെ എണ്ണം 386 ആയി.728 പേരാണ് രോഗമുക്തി നേടിയത്.ഇതോടെ ആകെ രോഗമുക്തി നേടിയവർ 174,698.ആയി.
പുതിയ കേസുകളിൽ 708 പേര്ക്ക് സമൂഹ വ്യാപനത്തിലൂടെയാണ് കോവിഡ് പിടിപെട്ടത്. 188 പേർ വിദേശത്ത് നിന്ന് മടങ്ങിയെത്തിയ യാത്രക്കാരാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക