July 04, 2021
July 04, 2021
ദോഹ: ഖത്തറിൽ കഴിഞ്ഞ 24 മണിക്കൂറിനിടെ 121 പേർക്ക് കോവിഡ് സ്ഥിരീകരിച്ചതായി പൊതുജനാരോഗ്യ മന്ത്രാലയം അറിയിച്ചു. 189 പേർ രോഗമുക്തരായി.കോവിഡ് ബാധിച്ച് കഴിഞ്ഞ 24 മണിക്കൂറിനുള്ളിൽ ആരും മരണപ്പെട്ടിട്ടില്ല. രാജ്യത്ത് ഇതുവരെ 592 പേരാണ് കോവിഡ് ബാധിച്ച് മരിച്ചത്.ചികിത്സയിലുള്ള കോവിഡ് രോഗികളുടെ എണ്ണം1,533 ആയി കുറഞ്ഞു.
പുതിയ 121 കേസുകളിൽ 64 പേർക്ക് സമ്പർക്കത്തിലൂടെയാണ് കോവിഡ് പിടിപെട്ടത്. 57 പേർ വിദേശത്ത് നിന്ന് മടങ്ങിയെത്തിയ യാത്രക്കാരാണ്.കഴിഞ്ഞ 24 മണിക്കൂറിനുള്ളിൽ ഒൻപത് പേർ ആശുപത്രിയിൽ ചികിത്സ തേടി. ആശുപത്രിയിൽ ചികിത്സയിലുള്ള കോവിഡ് രോഗികളുടെ എണ്ണം 85 ആയി കുറഞ്ഞു.
കഴിഞ്ഞ 24 മണിക്കൂറിനുള്ളിൽ തീവ്ര പരിചരണ വിഭാഗത്തിൽ ആരെയും പ്രവേശിപ്പിച്ചിട്ടില്ല. 45 പേർ ഇപ്പോൾ ഐ.സി.യു.വില് ചികിത്സയിലാണ്.