September 30, 2021
September 30, 2021
ദോഹ : ഇന്ന് മൂന്ന് വയസുള്ള കുട്ടി കൂടി കോവിഡ് ചികിത്സയിലിരിക്കെ മരണപ്പെട്ടതോടെ സെപ്റ്റംബർ മാസത്തിലെ ആകെ കോവിഡ് മരണസംഖ്യ നാലായി. അതേസമയം,മറ്റു ചില ജനിതക രോഗങ്ങൾ കൂടിയുണ്ടായിരുന്ന കുട്ടിയാണ് മരിച്ചതെന്ന് ആരോഗ്യമന്ത്രാലയം അറിയിച്ചു.
സെപ്റ്റംബർ ആറ്, ഏഴ് തിയ്യതികളിലായി ഓരോ മരണങ്ങൾ റിപ്പോർട്ട് ചെയ്യപ്പെട്ട ശേഷം, ഇരുപത്തിയാറാം തിയ്യതിയാണ് അടുത്ത മരണം സംഭവിച്ചത്. ഇന്ന് മൂന്ന് വയസുകാരൻ കൂടി മരണപ്പെട്ടതോടെ ആകെ മരണസംഖ്യ നാലായി ഉയരുകയായിരുന്നു. ആഗസ്റ്റ് മാസത്തെ കണക്കുകൾ പ്രകാരം ആകെ ഒരാൾക്കാണ് രാജ്യത്ത് കോവിഡ് കാരണം ജീവൻ നഷ്ടപെട്ടത്. കഴിഞ്ഞ മാസവുമായി താരതമ്യം ചെയ്യുമ്പോൾ സെപ്തംബറിൽ മൂന്ന് മരണങ്ങൾ അധികം റിപ്പോർട്ട് ചെയ്യപ്പെട്ടെങ്കിലും രോഗമുക്തി നിരക്ക് കുത്തനെ കൂടിയതും, പുതിയ രോഗികളുടെ എണ്ണത്തിൽ ഗണ്യമായ കുറവ് രേഖപ്പെടുത്തിയതും സെപ്റ്റംബർ മാസത്തിലെ ശുഭസൂചനകളായാണ് വിലയിരുത്തുന്നത്.