January 29, 2022
January 29, 2022
ദോഹ : കേസുകളുടെ എണ്ണത്തിൽ കുറവ് രേഖപ്പെടുത്തിയെങ്കിലും, ഖത്തറിൽ ഇന്ന് കോവിഡ് ബാധിച്ച് 4 പേർ മരിച്ചതായി ആരോഗ്യ മന്ത്രാലയം സ്ഥിരീകരിച്ചു. 90, 78, 73, 59 വയസുള്ള വ്യക്തികളാണ് ചികിത്സയിൽ ഇരിക്കെ മരണമടഞ്ഞത്. ഇതോടെ രാജ്യത്തെ ആകെ കോവിഡ് മരണങ്ങൾ 645 ആയി.
ഇന്ന് 1538 പേർക്കാണ് ഖത്തറിൽ കോവിഡ് ബാധയുണ്ടായത്. സമ്പർക്കത്തിലൂടെ 1114 പേർക്ക് കോവിഡ് പിടിപെട്ടപ്പോൾ, 424 പേർ വിദേശത്ത് നിന്നും എത്തിയവരാണ്.
4187 ആളുകളാണ് ഇന്ന് കോവിഡിൽ നിന്നും മുക്തിനേടിയത്. തീവ്രപരിചരണവിഭാഗത്തിൽ കഴിയുന്ന 84 പേരടക്കം ആകെ 268 പേരാണ് ആശുപത്രികളിൽ ചികിത്സയിൽ കഴിയുന്നത്. ഇന്ന്, ബൂസ്റ്റർ ഡോസുകൾ അടക്കം ആകെ 2805 വാക്സിൻ കുത്തിവെപ്പുകൾ നടത്തിയതായും മന്ത്രാലയം അറിയിച്ചു.
