April 13, 2022
April 13, 2022
ദോഹ : ഖത്തറിൽ ഇന്ന് 108 പുതിയ കോവിഡ് കേസുകൾ റിപ്പോർട്ട് ചെയ്യപ്പെട്ടതായി ആരോഗ്യ മന്ത്രാലയം സ്ഥിരീകരിച്ചു. സമ്പർക്കത്തിലൂടെ 107 പേർക്ക് കോവിഡ് പിടിപെട്ടപ്പോൾ, ഒരാൾ വിദേശത്ത് നിന്നും എത്തിയതാണ്. 153 ആളുകളാണ് ഇന്ന് കോവിഡിൽ നിന്നും മുക്തിനേടിയത്.
തീവ്രപരിചരണവിഭാഗത്തിൽ കഴിയുന്ന ഒരാളടക്കം ആകെ 29 പേരാണ് ആശുപത്രികളിൽ ചികിത്സയിൽ കഴിയുന്നത്. ഇന്ന് പുതുതായി ഒരു രോഗിയെ പോലും ആശുപത്രിയിൽ പ്രവേശിപ്പിച്ചിട്ടില്ല. ആകെ, 1171 കോവിഡ് രോഗികളാണ് ഖത്തറിൽ നിലവിലുള്ളത്. ഇന്ന്, ബൂസ്റ്റർ ഡോസുകൾ അടക്കം ആകെ 4823 വാക്സിൻ കുത്തിവെപ്പുകൾ നടത്തിയതായും മന്ത്രാലയം അറിയിച്ചു.
