March 08, 2022
March 08, 2022
ദോഹ : ഖത്തറിൽ ഇന്ന് കോവിഡ് ബാധിച്ച് ഒരാൾ മരിച്ചതായി ആരോഗ്യ മന്ത്രാലയം സ്ഥിരീകരിച്ചു. 65 വയസുള്ള വ്യക്തിയാണ് ചികിത്സയിലിരിക്കെ മരണമടഞ്ഞത്. ഇതോടെ രാജ്യത്തെ ആകെ കോവിഡ് മരണങ്ങൾ 671 ആയി. ഇന്ന് 146 പേർക്കാണ് ഖത്തറിൽ കോവിഡ് ബാധയുണ്ടായത്.
സമ്പർക്കത്തിലൂടെ 137 പേർക്ക് കോവിഡ് പിടിപെട്ടപ്പോൾ, 9 പേർ വിദേശത്ത് നിന്നും എത്തിയവരാണ്. 316 ആളുകളാണ് ഇന്ന് കോവിഡിൽ നിന്നും മുക്തിനേടിയത്. ആകെ 29 പേരാണ് ആശുപത്രികളിൽ ചികിത്സയിൽ കഴിയുന്നത്. തീവ്രപരിചരണ വിഭാഗത്തിൽ ഒരാൾ പോലും ചികിത്സയിൽ ഇല്ലെന്ന ആശ്വാസകരമായ വാർത്തയും മന്ത്രാലയം പങ്കുവെച്ചു. ഇന്ന്, ബൂസ്റ്റർ ഡോസുകൾ അടക്കം ആകെ 13438 വാക്സിൻ കുത്തിവെപ്പുകൾ നടത്തിയതായും മന്ത്രാലയം അറിയിച്ചു.
