January 18, 2022
January 18, 2022
ദോഹ : ഖത്തറിൽ മൂന്ന് പേർ കൂടെ കോവിഡ് ബാധിച്ചു മരിച്ചതായി ആരോഗ്യ മന്ത്രാലയം സ്ഥിരീകരിച്ചു. 72, 85, 89 വയസുള്ള വ്യക്തികളാണ് ചികിത്സയിൽ ഇരിക്കെ മരണമടഞ്ഞത്. ഇതോടെ രാജ്യത്തെ ആകെ കോവിഡ് മരണങ്ങൾ 630 ആയി. ഇന്ന് 3816 പേർക്കാണ് ഖത്തറിൽ കോവിഡ് ബാധയുണ്ടായത്. സമ്പർക്കത്തിലൂടെ 3501 പേർക്ക് കോവിഡ് പിടിപെട്ടപ്പോൾ, 315 പേർ വിദേശത്ത് നിന്നും എത്തിയവരാണ്.
3386 ആളുകളാണ് ഇന്ന് കോവിഡിൽ നിന്നും മുക്തിനേടിയത്. തീവ്രപരിചരണവിഭാഗത്തിൽ കഴിയുന്ന 88 പേരടക്കം ആകെ 592 പേരാണ് ആശുപത്രികളിൽ ചികിത്സയിൽ കഴിയുന്നത്. ഇന്ന്, ബൂസ്റ്റർ ഡോസുകൾ അടക്കം ആകെ 31928 വാക്സിൻ കുത്തിവെപ്പുകൾ നടത്തിയതായും മന്ത്രാലയം അറിയിച്ചു. ഇന്നത്തെ കണക്കുകളോടെ രാജ്യത്തെ ബൂസ്റ്റർ ഡോസുകളുടെ എണ്ണം അഞ്ചുലക്ഷം പിന്നിട്ടു.